Deputetja e PD, Jorida Tabaku ka reaguar në lidhje me vendimin e qeverisë për grumbullimin e taksës së energjisë nga prodhuesit e mëdhenj.
Përmes një postimi në ‘Twitter’, Tabaku shkruan se kryeministri Edi Rama duhet të ndiqte të njëjtën praktikë dhe me bordin e karburanteve, pasi çmimet e vendosura po shtrenjtojnë kostot për qytetarët.
Postimi i plotë:
Taksë e jashtëzakonshme për energjinë që tu shkojë pensionistëve? Ok!
Po pse jo edhe e njëjta për Kompanitë e Karburanteve që kanë thuajse 10 muaj që vendosin çmimet e naftës, më të shtrenjtat në rajon, nën frymën e bordeve komuniste?
Një taksë që mund të shërbejë për të zbutur inflacionin socialist që ka goditur familjet shqiptare që prej 10 muajsh paguajnë dpd naftën me +200lek/litër. Një çmim i vendosur nga Bordi Oligarkëve me bekim qeveritar por që pasuron oligarkët dhe shtrenjton çmimet qytetarëve!